Le despourveu infortune Incessament environne De dueil de regretz et de plours Me trouve banny de secours Et a tout mal abandonne Piteusement suis guerdonne* [récompensé Et tant mallement gouverne Fortune m'a fait par ses tours Le despourveu infortune Incessament environne De dueil de regretz et de plours Sur touz je suis mal atourne* [préparé Car Espoir m'a le doz tourne Si va mon faict tout au rebours Par raison puis blasmer Amours Quant en ce point m'a ordonne Le despourveu infortune Incessament environne De dueil de regretz et de plours Me trouve banny de secours Et a tout mal abandonne