I.ផ្ដើមដោយពាក្យស្រឡាញ់ ប្ដូរមកវិញត្រឹមស្អប់ ស្នេហ៍ដើរដល់ផ្លូវចប់ ឃាត់បងក៏គ្មានន័យ ផ្លូវបងរើសរួចហើយ បែកអូនព្រោះមានថ្មី ជូនពរគេនឹងថ្លៃ មានក្តីសុខច្រើនៗ II.កុំបារម្ភអូនអី ដៃអូនគ្មានសំណាង ទឹកភ្នែកអូនហូរបាន ត្រឹមកំដរអារម្មណ៍ ចាត់ទុកថានិស្ស័យ បងនឹងស្រីជាកម្ម ទោះតស៊ូច្រើនឆ្នាំ កម្មគង់តែបំបែក R.ឮបេះដូងអូនយំទេ? ឮទេបេះដូងអូនស្រែក ឃាត់បងទាំងហូរទឹកភ្នែក ថ្ងៃស្អែកចាំបែកបានទេ សុំក្បែរបងលើកចុងក្រោយ ដឹងហើយគ្មានឱកាសទេ មុនអូនផ្ទេរសិទ្ធិឱ្យគេ បានទេមនុស្សធ្លាប់ស្រឡាញ់ R2.ទៅចុះមនុស្សក្បត់សន្យា អូនលែងប្រាថ្នាបងហើយ ថ្ងៃនេះលាលើកចុងក្រោយ ទៅហើយឱ្យមានក្តីសុខ អ្នកឈឺមានតែខ្ញុំទេ ស្មោះគេឥឡូវកើតទុក្ខ ម្នាក់ឯងប្រហែលបានសុខ ថ្ងៃមុខទ្រាំរស់ឯកា