Sa Dalampasigang Kalmado - Andrej Agas/Laya

Composed by：Kimberly Tababa|Andrej Agas

Arranged by：Andrej Agas

Produced by：Andrej Agas

Kung ako ay iyong papipiliin

Sa dagat ay hindi magpupunta

Dahil napakainit ng buhangin

Na sumiksiksik saking mga paa

At mas lalong di ko kaya sa malalim

Baka malunod at saan pa mapunta

Ngunit magmula nang iyong ayain

Hinayaan kong damit ay mabasa

Walang sinabi ang alat ng tubig

Sa tamis ng iyong mga ngiti

Ako'y isdang nahuli ng iyong pain

Ngunit sa iyong lambat akoy hindi aalis

O Magpapaalam muna sa dalampasigan ko

At sisisirin ko ang lawak ng iyong mundo

Sa alon ma'y matalo di aahon hanggang dulo

Dahil ang damdamin ko

Mas malalim pa sa dagat na ito

O Magpapaalam muna sa dalampasigan ko

At sisisirin ko ang lawak ng iyong mundo

Sa alon ma'y matalo di aahon hanggang dulo

Dahil ang damdamin kong ito

At ang pag-ibig ko

Mas malalim pa sa dagat na ito