Apollinis eclipsatur

Numquam lux cum peragatur

Signorum ministerio

Bis sex, quibus armonica

Fulget arte basilica

Musicorum collegio

Multiformibus figuris

E quo nitet J. de Muris

Modo colorum vario

Philippus de Vitriaco

Acta plura vernant a quo

Ordine multiphario

Noscit Henricus Helene

Tonorum tenorem bene

Magni cum Dionisio

Renaudus de Tyramonte

Orpheico potus fonte

Robertus de Palatio

Actibus petulancia

Fungens gaudet poetria

Wilhelmi de Mascaudo

Egidius de Morino

Baritonans cum Garino

Quem cognoscat Suessio

Arnaldus Martini jugis

Philomena P. de Brugis

Gaufridus de Barrilio

Vox quorum mundi climata

Penetrat ad algamata

Doxe fruantur bravio

Pantheon abluitur

Templum pseudodeorum

Construitur

Ecclesia sanctorum

Plus error destruitur

Mutavi bonorum

Prima Sancta Trinitas

Ibidem veneratur

Gratiam divinitas

Ut plene largiatur

Hinc laudum concinitas

Majestate collocatur

Ierarchias complete

Post decem venerari

Laus sequitur prophete

Johannes tam preclari

Duodecim athlete

Tunc debent collaudari

Martirum vibratio

Consequenter laudatur

Confitens flagratio

Vicissim decoratur

Virginum fragratio

Laude simul fruatur

Nos ubique locorum

His festum celebrare

Jubemur singulorum

Si non constat servare

Jus supplent honorum

Quos contigit peccare

Nunc caput deprecentur

Istius membra festi

Corda nostra laventur

Sic lavate celesti

Ne nobis dominentur

Proditores scelesti

Zodiacum signis lustrantibus

Armonia Phebi fulgentibus

Musicali palam sinergia

Pictagore numerus ter quibus

Adequatur preradiantibus

Boetii basis solercia

B. de Clugni mittens energia

Artis practice cum theoria

Recomendans se subdit omnibus

Presentia per salutaria

Musicorum tripli materia

Notitiam dat de nominibus

In omnem terram