MANYASA SAKUJUA BADAN

(Dabee)

Usah di sabuik-sabuik kan lai

Usah di ingek-ingek kan hati

Denai mangaku salah alah manyakiti adiak

Luko indak badarah

Padiah alah di talan

Manih alah tabuang

Manyasa sakujua badan

(Merlin)

Mambathin sungguah didalam dado

Marasai kini indak takiro

Kajam caronyo uda mampamainkan hati

Luko den baok mati

Barek kadi tangguangkan

Malu tapaso di hadang

Tinggakan denai surang

Reff.

(Dabee)

Indak denai sangko

Sampai mambathin di badan

Kato kan caronyo bia den ubek kan

Hinggo hilang raso luko

(Merlin)

Nan alah tajadi bialah tajadi

Aie mato denai

Lah kariang di pipi

Indak babakeh lai