Dixit Dominus Domino meo sede a dextris meis

donec ponam inimicos tuos

scabellum pedum tuorum.

Virgam virtutis tuae

emittet Dominus ex Sion

dominare in medio inimicorum tuorum.

Tecum principium in die virtutis tuae

in splendoribus sanctorum

ex utero ante luciferum genui te.

Iuravit Dominus, et non paenitebit eum

tu es sacerdos in aeternum

secundum ordinem Melchisedech.