Audi cælum, verba mea,

plena desiderio et perfusa gaudio. Audio.

Dic, quæso, mihi : Quæ est ista,

quæ consurgens ut aurora rutilat,

ut benedicam ? Dicam.

Dic nam ista pulchra ut luna, electa ut sol,

replet lætitia terras, cœlos, maria. Maria.

Maria virgo illa dulcis,

prædicata de propheta Ezechiel,

porta orientalis. Talis.

Illa sacra et felix porta

per quam mors fuit expulsa,

introducta autem vita. Ita.

Quæ semper tutum est medium

inter homines et Deum

pro culpis remedium. Medium.