Kyun inn pardon mein tum khud ko sajaaye baithe ho

Asal mein jo yeh chehra hai kyun sabse chupaaye baithe ho

Sab pata hai tumko phir bhi jee rahe kyun anjaan ban kar

Khud ko khote jaa rahe ho rehte ho kyun tum aam ban kar

Baatein kyun karte tum sambhal sambhalke

Jaise harfon ke kaanton par ho chalte

Na daro kisi se tum jaante ho kya hai tumko karna

Khud se khud ki hai ladaayi jeete jeete kyun hai tumko marna

Khamosh kyun khade tum wahaan

Bheed mein yun tum tanha

Kaun ho tum tumhe hi pata

Kardo khud ko riha