Kalek rasonyo buah mingkudu

Ambiak ka ubek si anak daro

Kamanyo badan kamagadu

Sakik jo sanang di tagung sajo

Gadang nyo gadang si kayu jati

Di tabang urang di tagah ladang

Basaba saba di dalam hati

Kok lai baiak maso kadatang

Rakik pasang bao ka darek

Lamak di makan di hari sanjo

Ibarat kunci talapau arek

Lamo jo lambek ka lungga juo

Rancak bana tumbuh nyo sarai

Ambiak sabatang pang gulai baluik

Sakik jo sanang idak bajarai

Pamenan badan salamo iduik

Labek buah asam balimbiang

Ambiak ka gulai di pagi hari

Kok indak ado nan mabibiang

Makonyo ambo basara diri

Balai salasa jo aia haji

Sabelok jalan nyo pung gasan

Kadang kadang ibo nyo ati

Takana untuang nan bagian