Lu bilang Betawi cuma nyopir?

Ya, elah. Banyak yang ahli pikir

Lu pikir Betawi ketinggalan zaman?

Busyet, Betawi mah kreatif pisan

Katenya Betawi pemalas

Et, dah. Banyak noh pekerja keras

Dikatain tukang buru warisan

Gue cari uang ampe keringetan

Lu kate Betawi Kampungan?

Keliru, kite melek peradaban.

Katenye Betawi kaga bisa sekolah?

Liat, noh. Banyak dosen di kampus mewah

Dikatain Betawi pemalak jalanan?

Bokis, kite kerja halal cari makan.

Dibilang Betawi nggak bisa maju?

Salah, kite inovasi di setiap waktu.

Lu kira Betawi cuma ondel-ondel?

Salah! Cek lagi, jangan bikin jengkel!

Katenye cuma lenong banyolan?

Muke gile! Kita kaya seni dan kebudayaan

Betawi singkatan betah di wilayah?

Kate siape? Banyak yang nyampe Eropa

Betawi katanya nggak modern?

Bujug, kite bikin tren, lu jangan cuma komen!

Lu pade muke gile

Ngata-ngatain gue

Sok tahu budaya kite

Betawi unik punye cerite

Lu ngomong sarkas?

Kite timpalin biar pas

Betawinya udah maju

Lu nya yang nyinyir mulu

Betawi katanya suka gaduh-gaduh?

Et, dah. Kita guyub, gak suka ribut!

Lu kira Betawi nggak cinta lingkungan?

Salah, kami jaga adat dan hutan rindang

Betawi dibilang tukang nomong kasar?

Busyet, buktinya kite dialog di seminar

Katenye Betawi kaga punya masa depan?

Bujug, soal impian, kita yang terdepan

Kita orang Betawi asli

Jangan lu salah arti

Kite tetep amat bangga

Bakalan kite jaga dan pelihara

Kebudayaan Kota Jakarta