تیر مظلومیتین بو قلبیمه گویا اوخیدی
درد کل ماسوادن بیر سنون دردون چوخیدی
ایندی اما غصه لنمه فرض ایله زهرا یوخیدی
هیچ من آدلی گورمه میشدی چرخش دوران عم اوغلی
علی جانم
سن آغلوسان آغریر یارالاریم
یتیم اولور بو گول بالالاریم
حلال ایله منی عم اوغلی
فراقیمده
چوخ آغلاما چوخ اولما غمخواریم
آخی دوزنمرم سینا یاریم
حلال ائله منی عم اوغلی
دیمه فصل فراقیمدی وفا رختین سویوب زهرا
قولیوی باغلیان گوندن بو دنیادن دویوب زهرا
علی مظلوم
کیم بولور قاپیم یاناندا چکمیشم نلر عم اوغلی
ایلدیم قاپی دالیندا سینمی سپر عم اوغلی
حامله بیر عورتی دنیاده کیم دویر عم اوغلی
دویدولر منی بو امت شاهد اول اوزون عم اوغلی
یارالاندیم
همان او گوندن من زمین گیرم
بو روزگاریدن داخی سیرم
حلال ایله منی عم اوغلی
گئدور زهرا
علی منه کفن ائله حضر
حسنیمه حسینیمه خاطر
حلال ائله منی عم اوغلی
علی جان عالم وصلت یتور پایانه حیف اولسون
اولور زهرا دونور گویلوم بو غمنن قانه حیف اولسون
علی مظلوم
ویردیلار اوت یاندی درگاهون علی جان چوخ غریبوک
خاندان عصمتوک اما وفادن بی نصیبوک
هئچ زمان اولماز بیزه بو اهل اسلامون وفاسی
بو اوتون واردور هله بیر آیری غملی ماجراسی
دییر زینب
هایانداسان آنا یانور خیمه
نه چاره وار الولانور خیمه
بو چولده بی کسم غریبم
اورک یاره
حسینیم ئولدی قالدیم آواره
ویرولا تازیانه قیزلاره
بو چولده بی کسم غریبم
یونار خیمه
قاچار قیزلار
اور گریان
آدامسیزلار
او بلواده
قالار عترت
ائدر غارت
همین امت
