וַסְט צַנְעַא שֻׁפְתּ דַ'יַּאכּ אַלְגַזַאל

מִן גַּ'מַאלֵהּ טַאר עַקְלִי וַארְתַּבַּשׁ

מַא רַאַתּ עַיְנִי כַּחִסְנֻהּ וַא-דַּלַאל

לַא בִּאַרְצ' אַלְהִנְדּ וַלַא אַרְצ' אַלְחַבַּשׁ

כַּאמִל אִלְאַוְצַאף מַעְשׁוּק אַלְגַּ'מַאל

כֻּל מַאן שַׁאפֵהּ תִּעגַּ'בּ וַאנְדַּהַשׁ

כַדְּהַא תֻּפַאח וַאלְחַאגִּ'ב הִלַאל

וַאלְמְבַּאסִם וַרְדּ אַחְמַר קַדּ פַתַּשׁ

קֻלְתּ לֵהּ לַמַּא כַטַר יַא דַ׳א אַלְגַזַאל

הַל מַעַכּ שִׁי מַאא אַנַא הַאלִכּ עַטַשׁ

מַקְצַדִּי שַׁרְבֵּהּ מִן אַלְמַאא אַ-זֻּלַאל

מַכְּרֻמֵהּ וִאן שִׁאְתּ בַּאדְּפַעַלְכּ בֻּקַשׁ