Na d’fois mon coeur i serre, mon l’âme i lance

Pou koça la peur i prend un place immense

Comme rien li rentre

dan’ un coin mon ventre ter là

Na d’fois mi perd le bout’ mi trouve pu le fil

Comme si mon tout’ la v‘nu statue l’argile

Comme rien li morde,

li fane son désord’ ter là

Si a soir mi pause mon nuages ‘ec mon z’histoires ter là oté

Si a soir mi pause mon bardage, tout’ çat’ i barre la mer, m’a aller

À soir, à soir ‘ec ou mi veux voir plus loin

À soir, ‘ec ou tien bon mon main

À soir, semb ou m’a vole chemin

À soir

Na d’fois mon bouche l’est amère même si mon corps i danse

Na d’fois mi touche pu à terre, est-ce mi serait mort ou en transe?

Oh li glisse a li dan’ recoins mon vie ter là

Na d’fois mon larme i coule, chagrin l’est lourd

même si le vin i saoule, le bonheur l’est sourd

Comme rien li glisse

Li rode li immisce ter là

Si a soir mi pose mon l’ariage ec mon mémoires ter là oté

Si a soir mi ose ni sauvage, brûle mon fé noir ter là, va aller

À soir, à soir ‘ec ou m’veux voir plus loin

À soir, ‘ec ou tien bon mon main

À soir, semb ou m’a vole chemin

À soir, à soir ‘ec ou m’veux voir plus loin

À soir, ‘ec ou tien bon mon main

À soir, semb ou m’a vole chemin

Ohhhhhh…..